De advent neum ich binne de carnaval ummer sjtilte veur de sjtorm. Laot ich beginne mit de Oud- Prinse, de technische luu en de jurry te bedanke veur de géweldige organisatie van ’t leedjesconcours. Proficiat natuurlik aan de winnaar, dit jaor de Taarbreuk zelf, mit väöl dank aan ’t adres van Marc Kuipers dae dit joar ‘t leedje veur de Taarbreuk gans allein gesjreve haet. Misjien ’n idee óm zoa door te gaon! Sjteun de Oud-Prinse en koup uch ’n CD.

Dank ouch aan Sjömmert veur de financiële sjteun dae veer weer höbbe gekrege mit de róndgank mit oos sjteunkaart. Geld dat veer good kinne gebroeke óm de vastelaovend in Sjömmert te kinne viere zoa wie veer dat gewind zin.

Same äöpene mit de vief Nuthse Carnavalsvereiniginge noe kómende zaoterdig hie in Sjömmert in ’t gemeinsjapshoes kint allein mer sjlage es ouch väöl luu hie nao toe kómme. Entree is ’n vrie gave dus dao hoof g’r neet veur heim te blieve. Dit is ’t iëesjte jaor dat dit georganiseerd weurt, gaef ós ’t geveul dat dit ’n good initiatief is en kómp uch ouch amusere.

Vors Gé, Prins Cars en de Wieze Raod